Cura ch’i va per emigrar, è la Svizra vinavant populara tar Tudestgas e Tudestgs. Sco l’Uffizi da statistica tudestg communitgescha, vivevan l’entschatta dal 2021 radund 309’000 burgais tudestgs en Svizra. Quai èn uschè blers sco en nagin auter pajais europeic. Il dumber crescha dapi onns. En cumparegliaziun cun il 2020 era l'augment tar circa 2'100 persunas u 0,7%.
Sin plazza 2 dals pajais, nua ch'ils Tudestgs emigreschan gugent, è l'Austria cun radund 209'000 burgais tudestgs e sin plazza 3 la Spagna, cun circa 140'000 persunas.
Plinavant è la Svizra era il pajais cun las pli bleras natiralisaziuns da Tudestgs. 6'900 persunas or da la Germania han 2020 survegnì il pass svizzer, in nov record. Sin plazza 2 è la Svezia, radund 1'400 Tudestgs èn vegnids Svedais il 2020.