Siglir tar il cuntegn

Header

cuntegn

Svizra Dumber da mandats per parlamentaris duai vegnir reducì

Commembers da cumissiuns en il parlament a Berna duajan en il futur mo pli represchentar en tscherts cas ils interess d’interpresas, fundaziuns, organisaziuns u uniuns. Quai vul in’iniziativa parlamentara ch’è vegnida inoltrada oz.

Mandats en cussegls d'administraziun, presidis da fundaziuns ed autras occupaziuns supplementaras, portan a parlamentaris per part grondas entradas supplementaras. En il medem mument fan ellas part da la tradiziun dal parlament da milissa en Svizra. Quai vul l'iniziativa parlamentara da Beat Rieder, cusseglier dals chantuns da la PCD uss midar.

En il futur duajan mandats mo pli vegnir acceptads sche parlamentaris avevan quels gia in onn avant ch'els èn daventads commembers d'ina cumissiun. Novs mandats duajan mo vegnir acceptads sch'els portan pli pauc che 5'000 francs gudogn. Cun l'iniziativa vul Rieder evitar che conflicts d'interess blocheschan il process politic.

RR novitads 17:00

Artitgels legids il pli savens