Svizra - Dumber da rentas d'invaliditad sa reducescha vinavant
Il dumber da las rentas d'invaliditad en Svizra è sa reducì vinavant. L'onn passà saja quellas sa sminuidas per 2% sin 225’700, communitgescha l'Uffizi federal per las assicuranzas socialas.
Il 2014 ha l'assicuranza danovamain reintegrà dapli persunas en la professiun. Plinavant han ins pudì cumprovar en passa 500 cas in maldiever da l'assicuranza. Quai che sminuescha ils custs per radund 144 milliuns francs. Il dumber da las novas rentas è sa stabilisà dapi il 2012 sin radund 14’000 l'onn.
