Siglir tar il cuntegn

Header

Il Cussegl federal cun set commembers e dus da la vart èn stritgads tras.
Legenda: Il Cussegl naziunal ha refusà in'iniziativa che avess duì procurar per duas persunas dapli en il Cussegl federal. RTR
cuntegn

Svizra Dumber dal Cussegl federal resta tar set

Il Cussegl federal na duai betg sa cumponer da nov commembers. Il Cussegl naziunal ha refusà in'iniziativa parlamentara cun 97 cunter 88 vuschs.

Quant dispitaivla che l'iniziativa è stada saja gia stà da vesair en la cumissiun dal cussegl naziunal che ha elavurà la midada da la constituziun per questa iniziativa. Ils adversaris da l'iniziativa federala han fatg attent sin la clera posiziun ord la consultaziun. Sulet 12 da 44 instituziuns èn s'exprimidas positiv per ina regenza federala cun nov commembers. 19 regenzas chantunalas èn stadas encunter sco er il Cussegl federal sez. La fatschenta va ussa en il Cussegl dals chantuns.

L'idea da nov Cussegliers federals turna adina puspè

Gia l'entschatta dal tschientaner ha il parlament elavurà durant diesch onns vid ina refurma da la regenza. La finala è questa refurma ida da l'aua giu. L'onn 2013 ha ina iniziaziva dal chantun Tessin era fatg naufragi en il Cussegl dals chantuns. Il madem onn ha la cumissiun dal Cussegl naziunal prendì si l'idea ed ha fatg ina iniziativa parlamentaria ordlunder.

L'iniziativa aveva previs da midar l'artitgel en la constituziun uschia che las regiuns linguisticas duain esser repartidas ulivamain en il Cussegl federal. Enfin ussa esi sulettamain «da risguardar» quai.

RR novitads 12:00

sda/li

Artitgels legì il pli savens

Nach links scrollen Nach rechts scrollen