Siglir tar il cuntegn

Svizra Dumondas da credits supplementars

Il Cussegl federal ha tschentà al parlament nov dumondas per credits supplementars da totalmain 37 milliuns francs.

Projects dad IT da la Confederaziun procuran per custs supplementars.
Legenda: Projects dad IT da la Confederaziun procuran per custs supplementars. Keystone

Radund la mesadad da quels u 18 milliuns francs pertutga il project d'informatica «Fiscal-IT». Davart quest credit supplementar aveva il Cussegl federal gia infurmà il favrer.

Quest project succeda al project desastrus «Insieme». Grazia a quel duain las applicaziuns dad IT tar l'administraziun federala da taglia vegnir renovadas da rudent fin la fin dal 2018.

Il parlament svizzer aveva approvà cun il budget 2014 in credit d'obligaziun da radund 85 milliuns francs. Però è l'entir project sa retardà, perquai che furniturs interns ed externs hajan gì problems da resursas, ha declerà il Cussegl federal.

RR novitads 14:00