Tenor il stan actual sa tracti dentant sulettamain dad ina glista cun nums da las interpresas. Autras datas n'hajan ils hackers betg pudì tiers. Il SECO haja sco gestiunari da la plattafurma Easygov gia prendì mesiras ed instradà in'examinaziun dal fatg.
Sur la plattafurma www.easygov.swiss èsi gartegià a hackers da metter ensemen entras dumondas automatisadas ina glista cun var 130'000 interpresas. Quellas interpresas avevan il 2020 dumandà per in credit da Covid-19. Betg pertutgadas èn quellas interpresas ch'han gia puspè pajà enavos il credit.
Nagins detagls da las interpresas
Er n'hajan ils hackers betg pudì tiers infurmaziuns confidenzialas da las interpresas, sco per exempel coordinatas bancaras, numer d'IBAN u persunas da contact. Er la summa da credit n'han ils hackers betg pudì tiers. Las datas da las interpresas ch'èn registradas tar Easygov n'èn medemamain betg pertutgadas.