Siglir tar il cuntegn

Header

Navigaziun

cuntegn

Svizra Dumping da pajas sin plazzal da la NEAT

  • Tar la construcziun da la nova lingia da viafier tras las Alps NEAT, hai apparentamain dà dumping da pajas.
  • La procura publica tessinaisa e l'inspecturat da lavur chantunal han instradà inquisiziuns.
  • Quai rapportan la televisiun da la Svizra taliana e la Sonntagszeitung.
Tunnel da la Neat.
Legenda: Durant construir il tunnel da basa dal Ceneri hajan firmas talianas pajà ad enturn 170 montaders da binaris pajas memia bassas. Keystone

Plinavant hajan ils lavurers stuì lavurar savens plirs servetschs in suenter l'auter, e quai per part fin a 17 uras. Quantas persunas ch'èn pertutgadas e per quant che quellas persunas èn vegnidas cugliunadas sclerescha ussa la procura publica tessinaisa.

Examinaziuns èn difficilas

Tenor il sindicat Unia vegnia ad esser grev da sclerir la chaussa. Las duas interpresas talianas hajan betg be pajà pajas memia bassas, els hajan era falsifitgà documents. Las duas interpresas talianas renvieschan las renfatschas.

RR novitads 09:00