Las dunnas da la PS sustegnan sutegnan la refurma da las rentas malgrà che las dunnas ston lavurar en il futur in onn pli ditg, sch'il suveran svizzer di quest atun gea a la refurma.
Ellas n'ajan nagin plaschair che las dunnas stoppian lura lavurar fin 65 onns. Dentant è la maioritad stada da l'avis che la refurma rinforzeschia en tut la posiziun da las dunnas.
Refurma duai serrar largias da contribuziuns
L'AVS è la funtauna d'entrada principala da las dunnas. Quai pervi che la grond part da las dunnas na po betg bajar si ina segunda pitga. Suenter la revisiun vegnessan las rentas l'onn 2019 considerablamein augmentadas. E quai avess in effect positiv per las dunnas.
La refurma meglierass era la segirtad da la segunda pitga tar persunas cun pajas bassas. Ed en questa categoria chatt'ins bleras dunnas perquai ch'ellas lavuran savens a temp parzial. Plinavant han las dunnas era largias da contribuziun sch'ellas smettan da lavurar per pudair tgirar lur uffants.
RR novitads 15:00