Siglir tar il cuntegn
cuntegn

Svizra Dunnas gudognan 20% damain ch’ils umens

Las dunnas gudognan en media bunamain in tschintgavel pli pauc ch’ils umens. Dunnas cun las medemas qualificaziuns incasseschan mintga mais 657 francs damain che lur collegas masculins, quai resulta da la nova analisa da l’uffizi federal per statistica.

Dunnas che protestan per l'egualitad da paja.
Legenda: 43% da la differenza da pajas na sa lascha betg declerar cun funcziuns u cun onns da servetsch. Keystone
  • Per l'emprima giada dapi il 2014 è la differenza da paja puspè creschida.
  • Prest 43% da quella differenza na pon ins betg declerar.
  • Pli auta che la funcziun è e pli gronda che la differenza da pajas è.
  • Pli giuvnas las dunnas e pli grondas las differenzas. Tar dunnas sut 30 onns munta quella a fin 58%.

Creschida è surtut quella cumpart, ch'ins na po betg declerar cun facturs sco onns d'uffizi u funcziun da manar. Il 2012 muntava quella cumpart betg declerabla anc a 41%, il 2016 a prest 43%.

Mintga mais 657 francs memia pauc

La differenza da paja che n’è betg da declerar variescha da tranter 327 francs en la gastronomia e prest 1'300 francs en il sectur da credit ed assicuranzas.

Il 2016 èn 60% da las plazzas en il sectur privat cun ina paja mensila brutta sut 4'000 francs stadas occupadas da dunnas. En posiziuns cun ina paja brutta da passa 8'000 francs era la cumpart da las dunnas tar 28,2%. Jobs cun pajas da passa 16'000 francs eran anc per 18% en il maun da dunnas.

La differenza da pajas tranter dunnas ed umens era tranter il 2012 ed il 2014 anc ida enavos cuntinuadamain da 21,3% sin 19,5%.

RR novitads 12:00