Siglir tar il cuntegn

Header

cuntegn

Svizra Dunnas gudognan 20% pli pauc ch’ils umens

Dentant sa sminuescha la inegualitad da paja tranter um e dunna. Uschia era la differenza il 2010 anc tar passa 23%, scriva l'Uffizi federal da statistica.

En media 20% pli pauc gudagnavan dunnas il 2014 quai en plazzas dal sectur privat. L'onn 2010 eran quai anc passa 23%, quai communitgescha oz l'Uffizi federal da statistica.

En il sectur public quai vul dir tar vischnancas, chantuns e la Confederaziun dat quai differenzas da pajas da var 16%.

L’inegualitad paja variescha dentant fitg quai tut tenor la branscha. Uschia muntava la differenza il 2014 tar 10% en la gastronomia ma tar las bancas e assicuranzas muntava la differenza a passa 30%.

Sco raschuns per la differenza da paja numna l’Uffizi da statistica il nivel da furmaziun, ils onns da servetsch u la funcziun en l’interpresa. Però saja da constatar che la differenza da paja creschia cun savens cun las funcziuns pli autas en ina interpresa.

RR novitads 10:00

Artitgels legids il pli savens