Siglir tar il cuntegn

Header

cuntegn

Durant la pandemia Bunas notas per la Svizra

La reputaziun da la Svizra en l’exteriur è tenor Nicolas Bideau, il directur da Preschientscha Svizra, sa megliurada durant la crisa da corona. En l'exteriur saja la Svizra cunzunt crudada si a moda positiva entras innovaziun e ferm management politic.

En cumparaziun internaziunala haja la «marca svizra» fatg ina buna figura, ha ditg Bideau en in’intervista cun la gasetta «Le Temps». La Confederaziun saja sa profilada en plirs secturs.

Innovaziuns

L'industria da farmazia svizra saja renumada. En il temp da crisa haja ella demussà innovaziun e preschentà schliaziuns remartgablas. Sco exempel numna Bideau cunzunt ils tests serologics che Roche ha sviluppà.

Plinavant valia er la «contact-tracing-app» sviluppas da las Scolas politecnicas federalas per reconstruir las vias da d'infecziuns.

Ferm management da crisa

Er il management politic haja persvas. En blers pajais haja dà memia paucas capacitads en ospitals pervi dad in management manglus. La crisa haja mussà ch'il sistem da sanadad en Svizra funcziunia.

Er haja la politica reagì spert sin la crisa economia. La surdada nuncumplitgada da credits saja vegnida recepida bain da l'exteriur.

Ord l'archiv

video
La app da «Contact-Tracing»
Or da Giuventetgna dals 05.05.2020.
laschar ir. Durada: 2 minutas 43 Secundas.

RTR novitads 10:00

Artitgels legids il pli savens