Manadras e manaders da scola èn durant la pandemia dumandads sco anc mai. Tenor ina retschertga lavuran els tar in pensum cumplain en media 51 uras per emna. Quai rapporta la gasetta «NZZ am Sonntag». Tar in pensum da 70% saja il temp da lavur en media tar 42 uras.
Ina gronda part da las participantas e participants da la retschertga han inditgà, ch'els hajan fatg las sururas per surpigliar responsabladad e per gidar a collegas.
La retschertga è vegnida fatga avant l'unda dad Omicron cun radund 2’000 manadras e manaders da scola. Quella mussa plinavant ch'i dat ina differenza da paja tranter umens e dunnas. Uschia gudognan manadras da scola en media 137'000 francs, bunamain 10'000 francs damain che lur collegas. L'associaziun dals mainascola pretenda uss da sclerir pertge ch'i dat questa differenza e co che quella po vegnir eliminada.
Ord l'archiv
Cas positivs da corona en scola: ina sfida per scolastas, scolasts, geniturs ed uffants.
