Tar in'acziun coordinada tranter la Svizra ed ils Pajais Bass èn vegnids arrestads a Rotterdam duas persunas suspectadas da cybercriminalitad. Ellas duain avair engulà en Svizra datas dad e-banking. Ina gruppa internaziunala vegn suspectada d'avair survegnì las datas dad e-banking cun agid da spam e-mails e telefons, l'uschenumnà Voice-Phishing. Pertutgads sajan er clients da bancas en Svizra.
Dapi il matg 2017 maina la procura ina procedura penala pervi dal suspect da maldiever da datas.
RR novitads 12:00