Ad Oberriet en il chantun Son Giagl èn duas persunas mortas suenter ch'in restaurant è ars. Dus abitants da la chasa èn vegnids blessads. In d'els ha pudì bandunar sez la chasa, l'autra persuna ha stuì vegnir spendrada dals pumpiers, communitgescha la polizia chantunala. Per motivs da segirezza avevan ils pumpiers stuì spetgar d'entrar la ruina per tschertgar duas persunas sparidas. Vers las otg la bun'ura han els lura chatta ils dus morts. La procura publica investigescha en chaussa.
RR novitads 10:00