Svizra - Dus morts tar sajettim a Basilea

Ils dus morts èn umens da 28 e da 39 onns da l'Albania. Quai ha communitgà la Procura publica da Basilea Citad. L'um grev-blessà saja 24 onns. El saja ord privel da vita. Ils delinquents èn anc sin la fugia. Tenor divers avis duai sa tractar da persunas da l'Europa da l'ost.

Legenda: La bloccada da la polizia avant il Cafe 56 a la Erlenstrasse a Basilea. Keystone

Gievgia saira sajan ils attentaders entrads enturn las 20:15 en il Café 56 en il center da Basilea ed hajan cumenzà a sajettar enturn. Tar la sajettada èn ils dus umens da 28 e 39 onns da l'Albania mortas. In'ulteriura persuna saja blessada grev, ma ella na saja betg pli en privel da vita. Ulteriuras persunas ch’eran en il café n’èn betg vegnidas blessadas.

Ils attentaders probabels sajan anc en fugia. Davart lur motivs na datti anc naginas indicaziuns uffizialas. In motiv terroristic sclaudan las autoritads. La polizia ha instradà in’investigaziun gronda suenter ils attentaders.

RR novitads 06:00 ++