Svizra - Dus referendums èn reussids – votà vegn il matg
Il suveran Svizzer decida a l’urna davart il project da taglia e la sanaziun da l’AVS sco er davart l’augment dal dretg d’armas. Ils dus referendums èn reussids, ha communitgà la chanzlia federala.
Cunter la lescha federala davart la refurma fiscala e la finanziaziun d’AVS èn passa 60'000 suttascripziuns valaivlas vegnidas inoltradas. Cunter la midada da la lescha d’armas passa 125'000 suttascripziuns. Per in referendum dovri mintgamai 50'000 suttascripziuns valaivlas.
