Passa la mesadad da la populaziun giavischa ch'ins pudess empustar online ina conferma da dimora u ina lubientscha d'ir cun auto sche la veglia è ida a perder. Quai mussa il studi da l'organisaziun «Administraziun digitala Svizra» e dal Secretariat da stadi per l'economia Seco.
La via digitala che vegn duvrada il pli savens è la decleraziun da taglia digitala. Trais da quatter pajataglias fan la taglia vi dal computer. Sco avantatg han ils utilisaders numnà flexibilitad e respargn da temp.
Dubis pervia da la segirtad
I dat dentant er obstachels per duvrar las purschidas online dals uffizis. Tranter auter èn quai dubis pervi da la segirtad da datas e la difficultad da chattar il «dretg» servetsch. Il studi represchentativ sa basa sin respostas da la populaziun, d'interpresas e d'administraziuns.
