Sco quai che la Chanzlia federala scriva hajan els lantschà il discurs cun expertas ed experts indigens ed internaziunals da l'informatica, da la criptologia e da las scienzias politicas. Lur respostas sin in questiunari detaglià duain furmar la basa per in nov project che duai vegnir suttamess al Cussegl federal enfin la fin da quest onn. Datti glisch verda da la regenza duain ils chantuns pudair inoltrar la dumonda per far tests cun in sistem da e-voting da la pli nova generaziun.
Cussegl federal aveva sistì introducziun
Suenter ch'i ha dà problems da segirtad tar tests da sistems da la Posta svizra e dal chantun Genevra aveva il Cussegl federal decidì da spetgar cun l'introducziun dal e-voting sco pussaivladad da votar. E damai che tant la Posta svizra sco era il chantun Genevra han sistì u terminà lur projects na datti en Svizra il mument nagin chantun che fa tests cun e-voting.