Grazia ad in effect extraordinari da 43 milliuns francs ha Galenica nudà l'onn passà in ferm augment dal gudogn. Il gudogn net è creschì per 38% sin 173 milliuns francs. Quai ha communitgà il concern d'apotecas e sanadad.
Dividenda resta
Galenica vul pajar quest onn ina dividenda da 1,8 francs per aczia. Quai è tant sco l'onn passà. Las cifras preschentadas da Galenica èn tenor las spetgas dals analists.
Prognosas per 2021
Per quest onn quinta il concern cun in creschament da 1 fin 3%. Ils emprims mais pudess Covid-19 avair in effect negativ. Davent il segund quartal quinta Galenica cun ina normalisaziun.
Ord l'archiv
video
Cifras positivas per Galenica
Or da Tagesschau dals 08.08.2017.
laschar ir. Durada: 30 Secundas.
