Siglir tar il cuntegn

Header

Navigaziun

Bajetg da la banca naziunala svizra.
Legenda: Keystone
cuntegn

Economia Banca naziunala fa probabel gudogn da 9 milliardas

La Banca Naziunala Svizra ha probablamain era fatg in gudogn da pliras milliardas il segund quartal da quest onn. Experts da la banca grond UBS quintan che la banca ha profità dal svilup positiv sin il martgà da finanzas.

Els stiman che la SNB haja fatg in gudogn da 9 milliardas francs da l’avrigl fin il zercladur. L’emprim quartal aveva la banca anc nudà in plus da 30 milliardas.

Franc pli ferm smatga sin il gudogn

L’aur, emprests e aczias dastgassan avair contribuì ad in plus da 15 milliardas francs. Vitiers vegnian 4 milliardas entradas pervia da pajaments da tschains e dividendas sco era tschains negativs. Il franc ch’è però puspè daventà pli ferm ha probabel chaschunà in minus da 10 milliardas.

RR novitads 11:00