Siglir tar il cuntegn

Header

cuntegn

Economia e corona Tuts quintan da stuair stritgar plazzas, mo las assicuranzas betg

plazzal
Legenda: Pertutgadas èn era branschas ch'han stuì serrar mo per part tras la crisa da corona - sco la branscha da construcziun ed il commerzi en detagl. Keystone

Tut las branschas svizras quintan da stuair stritgar plazzas ils proxims mais. Suletta excepziun è la branscha d'assicuranzas. L'indicatur per l'occupaziun ch'il Post per perscrutar la conjunctura KOF da l'ETH Turitg registrescha è tar -19,9 puncts - cumpareglià cun l'emprim quartal è quai in minus da 17 puncts. Tenor il post da perscrutaziun è quai anc pli bass che durant il pir temp da la crisa da finanzas 2008/2009 (lura era l'indicatur tar -16.5 puncts). Actualmain pertutgà il pli fitg saja la branscha da gastronomia che saja pertutgada fitg, perquai che tuts hajan stuì serrar durant la crisa.

Però era en autras branschas saja la prognosa negativa - en spezial menziuneschan ils experts dal KOF il commerzi en detagl e la branscha da construcziun. Omadus secturs quintian da stritgar bleras plazzas, schegea che omauds secturs èn pertutgads mo per part - pia betg l'entir sectur ch'ha stuì serrar las portas.

Indicatur da l'occupaziun dal KOF

L'indicatur da l'occupziun vegn calculà sin basa da las retschertgas dal post da perscrutaziun da la conjunctura da la ETH. L'avrigl era ina maioritad clera da las firmas dumandadas da l'opiniun ch'els hajan memia bleras capacitads per la lavur che saja da far. Ellas han era inditgà da vulair reducir questas capacitads.

RTR novitads 10:00

Artitgels legids il pli savens

Scrollar a sanestra Scrollar a dretga