Siglir tar il cuntegn

Header

Bajetg da la Swiss Re a Turitg.
Legenda: Durant la stad è il concer da reassicuranza bain rivà da reducir la perdita, i resta dentant anc adina in grond minus. Keystone
cuntegn

Economia e crisa da corona Swiss Re fa ina perdita da 691 milliuns dollars

Swiss Re, il segund grond institut da reassicuranza dal mund, è durant ils emprims trais quartals dal 2020 glischnà fermamain en las cifras cotschnas. Pervi da la crisa da corona scriva l'institut ina perdita da 691 milliuns dollars.

Avant in onn aveva Swiss Re anc pudì preschentar in gudogn dad 1,3 milliardas dollars suenter ils emprims nov mais. Cumpareglià cun l'emprim mez onn dal 2020 èsi dentant gartegià a l'institut da reassicuranza da mitigiar fermamain la perdita. Suenter ils emprims sis mais muntava quella numnadamain anc ad 1,1 milliarda dollars.

Senza ils donns da corona e las retenziuns da 3,0 milliardas dollars avess il concern durant ils emprims nov mais realisà in gudogn dad 1,6 milliardas dollars, scriva Swiss Re. Tar 67% da quels donns sa tractia da retenziuns per donns capitads ma anc betg annunziads.

I dettia anc adina fitg bleras malsegirezzas en connex cun la pandemia. Ils donns pudessan uschia anc divergiar fermamain da las stimaziuns da Swiss Re, declera il concern.

Ord l'archiv da SRF:

video
Swiss Re: Concerns gronds e Covid-19
Or da Tagesschau dals 23.07.2020.
laschar ir

RTR novitads 09:00

Artitgels legids il pli savens

Scrollar a sanestra Scrollar a dretga