Siglir tar il cuntegn

Header

Il bajetg da Nestlé a Vevey.
Legenda: Il concern da mangiativas svizzer surpiglia la firma americana Freshly che producescha mangiativas frestgas e saunas. Keystone
cuntegn

Economia Nestlé cumpra Freshly

Il concern da mangiativas Nestlé surpiglia la firma americana Freshly dal tuttafatg, suenter ch’el ha gia cumprà avant trais onns ina cumpart. La transacziun vegnia valitada da Freshly cun 950 milliuns dollars, ha communitgà Nestlé.

Freshly è sa spezialisada sin tschaveras sanadaivlas e frestgas. La firma proveda clients en l’entir pajais cun tschaveras preparadas frestgas che pon vegnir stgaudadas a chasa. Actualmain sajan quai passa in milliun tschaveras per emna.

En vista al trend da mangiar pli sanadaivel en cumbinaziun cun las restricziuns actualas en la gastronomia pervi da la pandemia da corona saja questa surpigliada spezialmain interessanta, uschia in pledader dal concern svizzer.

Ord l'archiv da SRF:

RTR novitads 09:00

Artitgels legids il pli savens

Scrollar a sanestra Scrollar a dretga