Siglir tar il cuntegn

Header

cuntegn

Economia Record da novas firmas

En Svizra èn l'onn passà vegnidas fundadas uschè bleras firmas sco anc mai. Las bunamain 44'482 fundaziuns da firmas muntian in plus da 3% cumpareglià cun il 2018. Quai scriva l'Institut per interpresas giuvnas.

Tabella.
Legenda: Institut per interpresas giuvnas (IFJ).

Boom en la Svizra Orientala

Las bleras novas firmas han ins dumbrà en la Svizra Orientala (7%), Svizra Bassa (6%), Svizra Sidorientala (4%) sco era la Svizra dal Nordvest e Turitg (2%). Entant che la Svizra Centrala (-2%) ed il Tessin (-0,3%) han nudà ina digren.

Branschas cun spezial bleras novas fundaziuns èn tranter auter l'informatica, la mobilitad, cussegliaziun, l'architectura sco era transport e logistica. Main bun èn las fatschentas marschadas en las spartas marketing e communicaziun, commerzi en detagl sco era commerzi a l'engrossa e là hai era dà damain start-ups.

Trais quarts fundà d'umens

Las pli bleras firmas èn vegnidas fundadas d'umens, numnadamain 76%. Quai munta che be in quart da las firmas novas èn vegnidas fundadas da dunnas. Ina analisa exacta n'è dentant betg pussaivlas, perquai che las bleras firmas èn vegnidas fundadas da pliras persunas. Cumpareglià cun la media internaziunala è la Svizra in zichel davostiers quai che pertutga la fundaziun da firmas tras dunnas.

Furma giuridica

Avrir la box Serrar la box

Las pli bleras firmas èn vegnids fundadas sco Societad cun responsabladad limitada. 40% da las persunas che han fundà ina nova firma han sa decidì per questa furma giuridica. 93% da las firmas èn vegnidas fundadas cun il minimum da 20'000 francs chapital da tschep. Ultra da quai èn 32% da las novas firmas vegnidas fundadas sco firma singula, 20% sco societad d'aczias e 3% sco societad collectiva.

Ord l'archiv

video
Start-up sco schanza
Or da Telesguard dals 11.10.2016.
laschar ir. Durada: 2 minutas 37 Secundas.

RTR novitads 06:00

Artitgels legids il pli savens