Dal 2021 fin il 2027 stritga l'Institut svizzer d'assicuranza d'accidents var 20% da las passa 800 plazzas en la partiziun gestiun da donns. La pledadra da la Suva ha confermà in rapport da CH-Media.
L'institut è da l'avis - ch'el possia manischar la pli gronda part da la reducziun da plazzas cun pensiunaments, disditgas e midadas da plazza. La Suva suttastritga ch'i na sa tractia betg d'in program da spargn, mabain d'in project da digitalisaziun. Parallel vegnian numnadamain er stgaffidas novas plazzas da lavur en secturs cun avegnir, quai surtut sin il champ da l'elavuraziun da datas.
Tar la partiziun gestiun da donns tutgan referendaris en las agenturas, medis cirquitals, medis d'assicuranza en la sedia principala ubain er giurists. Cler sia gia uss che betg giurists e medis hajan da temair per lur plazza da lavur, mabain persunas che fan lavurs administrativas che pon vegnir automatisadas.
RR novitads 11:00
