Siglir tar il cuntegn

Svizra Economia svizra crescha probabel per 1,7%

L’economia svizra crescha probabel l’auter onn per 1,7% quai grazia a la branscha d’export che vegn a sa revegnir, quai tenor las prognosas da l’Organisaziun da cooperaziun e svilup economic en Europa OECD.

Ina maschina da producziun.
Legenda: Cunzunt ils exports da products chemics vegnan a crescher scriva l'OECD. Keystone

Perquai ch'il franc saja puspè sa stabilisà saja surtut l'export da products chemics e farmaceutics puspè creschì. Era mussian ils indicaturs che la dumonda en Svizra vegnia plaun a plaun a crescher. La politica monetara da la banca naziunala svizra considerescha l'OECD sco raschunaivla.

L’economia globala flaivla fraina vinavant il svilup

Il ristg ch'ils tschains restian vinavant bass resta, scriva l’OECD. Uschia saja il svilup sin il martgà d’immobiglias vegnir surveglià vinavant. Era la realisaziun da l’iniziativa d’immigraziuns da massa muntia ina malsegirtad. Las refurmas planisadas per las taglias da las interpresas vegnan probabel a megliurar las cundiziuns economicas, scriva la OECD en il rapport annual «Global Economic Outlook».

RR novitads 12:00