Siglir tar il cuntegn

Header

cuntegn

Economia svizra Dapli plazzas e dapli lavurants e lavurantas

La fiera da lavur funcziuna bain per il mument. En tut lavuran passa 5,6 milliuns en Svizra, quai ch'èn 2,2% dapli che anc il terz quartal da l'onn passà. Quai mussan las cifras da l'Uffizi federal da statistica.

En il sectur da servetschs ed il sectur d'industria e bajetg èn dapli plazzas occupadas en cumparegliaziun cun l'onn passà. Il sectur da servetschs cun 4,2 milliuns lavurers e lavureras crescha per 2,4% en il terz quartal. En il sectur da bajetg ed industria hai dà in plus da 2,3%. Anc pli marcant è l'augment dal dumber da plazzas avertas envers l'onn passà: passa 25'000 plazzas avertas dapli hai dà, quai è in plus da 27%.

Lavurer en in hotel svizzer.
Legenda: Lavurer en in hotel svizzer. Keystone

L'augment en la Svizra da l'Ost cun il Grischun n'è betg uschè marcants sco en la regiun dal Lai da Genevra (3% cumpareglià cun 1% en la Svizra da l'Ost).

Mancanza da persunal qualifitgà

Era las difficultads da chattar persunal qualifitgà èn s'engrondidas. Il pli grev èsi tar manaschis da construcziun da maschinas ed en il sectur da sanadad da chattar persunal. En 80% dals cas chattan manaschis da construcziun nagin u mo cun difficultads persunal scolà.

RTR novitads 12:00

Artitgels legids il pli savens

Scrollar a sanestra Scrollar a dretga