Siglir tar il cuntegn

Header

cuntegn

Economia svizra Il bajegiar è stà ina pitga stabila durant la pandemia

Il svilup da l’economia da construcziun en Svizra l’onn passà, ha gidà da stabilisar l’economia svizra. La svieuta è s’augmentada il 2021 per 4,5%, sin 23,1 milliardas francs – ha communitgà la Societad svizra dals impressaris constructurs.

Davent da l’entschatta da l’onn haja dà dapli incumbensas, ha ditg il president central Gian-Luca Lardi ad ina conferenza da medias. Vitiers dumbra la branscha da construcziun dapi la fin dal terz quartal cun 91’500 plazzas cumplainas, puspè tuttina blers collavuraturs e collavuraturas stabelas sco avant la pandemia.

La svieuta pli auta è tenor la Societad svizra dals impressaris constructurs dentant era da declerar cun ils pretschs da material creschents da fin a 60%. In augment uschè massiv che pertutgia pliras sorts da material sco atschal, plastic e laina, saja ina situaziun nova.

audio
Per tadlar: Las novitads da las 17:00
ord RTR Audio dals 23.02.2022.
laschar ir. Durada: 5 minutas 35 Secundas.

RTR novitads 17:00

Artitgels legids il pli savens