Davent da l’entschatta da l’onn haja dà dapli incumbensas, ha ditg il president central Gian-Luca Lardi ad ina conferenza da medias. Vitiers dumbra la branscha da construcziun dapi la fin dal terz quartal cun 91’500 plazzas cumplainas, puspè tuttina blers collavuraturs e collavuraturas stabelas sco avant la pandemia.
La svieuta pli auta è tenor la Societad svizra dals impressaris constructurs dentant era da declerar cun ils pretschs da material creschents da fin a 60%. In augment uschè massiv che pertutgia pliras sorts da material sco atschal, plastic e laina, saja ina situaziun nova.