Siglir tar il cuntegn

Header

Mauns che tippan sin ina tastatura.
Legenda: Bleras interpresas vulan vinavant offrir a lur emploiads da lavurar da chasa. Keystone
cuntegn

Economia svizra Optimissem per il 2022

Malgrà las difficultads economicas pervia dal coronavirus èn las bleras interpraisas svizras optimisticas per il futur.

Quai mussa ina retschertga da la banca UBS. Uschia spetgan passa 70 pertschient da las 2'500 interpresas dumandadas ch'ellas fan en dus onns tuttina blera u perfin dapli svieuta che l'onn passà, avant la crisa. Era quai che pertutga ils collavuraturs èn las bleras interpresas da buna speranza. Bunamain 90 pertschient spetga d’avair tuttina blers u perfin dapli emploiads il 2022. Per l'auter onn quintan ils auturs da la retschertga dentant vinavant cun ina recessiun profunda.

Cuntinuar cun homeoffice

Ils resultats mussan era che quatter da tschintg interpresas che han durant il temp cun las restricziuns da viagiar lavurà cun homeoffice, vulan vinavant porscher quella pussaivladad. Plinavant veglian bleras interpresas investir dapli ella digitalisaziun ed augmentar lur reservas finanzialas.

RTR novitads 12:00

Artitgels legids il pli savens

Scrollar a sanestra Scrollar a dretga