Siglir tar il cuntegn

Header

cuntegn

Economia svizra Pli pauca paja per emploiadas ed emploiads

Emploiadas ed emploiads en Svizra an survegnì l'onn passà damain paja. Real hai dà 0,8 pertschient damain en la bursa tenor l'Uffizi federal da statistica. Ina raschun saja l'inflaziun, ch'è creschida per 0,6 pertschient.

En il sectur dals servetschs èn las pajas sa reducidas main ferm ch'en il sectur industrial. Las differenzas tranter las singulas branschas èn dentant en omadus secturs grondas, scriva l'Uffizi federal da statistica.

Paja nominala da las dunnas è creschida

Sch'ins guarda dentant separà sin las pajais da las dunnas e dals umens, vesan ins che quellas èn sa sviluppadas different. Entant che las pajas en l'economia generala èn sa sbassadas tar ils umens (-0,7%), èn quellas s'augmentadas tar las dunnas per 0,6%. Cunzunt en las branschas da l'administraziun publica, sco er da la «prestaziun d'auters servetschs economics» saja la paja da las dunnas s'augmentada il pli fitg.

RTR novitads 09:00

Artitgels legids il pli savens

Scrollar a sanestra Scrollar a dretga