Swissport, la pli gronda firma dal mund che fa la spediziun als eroports, stat avant in avegnir intschert da las consequenzas da la crisa da corona. La situaziun saja critica, ha ditg il schef da Swissport envers la «NZZ am Sonntag».
Il concern haja pers las ultimas emnas 80% da las svieutas. 10'000 dals 65'000 emploiads en l'entir mund hajan stuì vegnir relaschads. 40'000 fetschian lavur curta.
Sin il pli tard la primavaira dovria Swissport liquiditad, uschigliò smanatschia l'insolvenza. Quai avess er consequenzas negativas per l'entir manaschi aviatic sin ils eroports svizzers, avertescha il schef da Swissport.
audio
Per tadlar: Las novitads da las 14:00 uras
ord Novitads dals 12.04.2020.
Maletg: Grafica RTR
laschar ir. Durada: 3 minutas 22 Secundas.