Siglir tar il cuntegn

Header

Tavla cun segn da tren e da l'Auto da posta.
Legenda: Interpraisas da viafier, da tram ed da bus genereschan ina valur da 12,2 mia. francs per onn. Keystone
cuntegn

Economia Traffic public dat lavur a 100'000 persunas

Studi mussa l'impurtanza da la branscha per l'economia svizra.

Il studi da l’interpraisa Infras ha examinà con gronda che la creaziun da valur da la branscha è en Svizra. Il resultat: Mintga 40. plazza da lavur ha in connex cun il traffic public. Quai è sumegliant bleras persunas sco en la branscha da farmaceutica.

Cun 12,2 milliardas francs contribueschan las interpresas da viafier, tram e bus sumegliant blera valur al product interiur brut da la Svizra, sco per exempel la branscha da telecommunicaziun u las interpresas responsablas per il provediment d'energia. Plinavant vegn il studi a la conclusiun ch'il traffic public investescha mintg'onn en media 5,3 milliardas francs en l'infrastructura, vul dir en novs trens u bus, ubain era en binaris u tunnels.

Damai che las prognosas mussan ch'il traffic public vegn vinavant a s'augmentar ils proxims onns èn ils auturs dal studi da l'opiniun ch'era la creaziun da valur da la branscha dal traffic public vegn a crescher.

RTR novitads 12:00

Artitgels legids il pli savens

Ir a sanester Ir a dretg