Siglir tar il cuntegn

Header

Monika Rühl.
Legenda: Monika Rühl la mainagestiun d'Economiesuisse. Keystone
cuntegn

Svizra Economiesuisse sustegna lescha da CO2

Economiesuisse sustegna la nova lescha da CO2 ed ha preschentà in program cun mesiras concretas per las interpresas da cuntanscher la strategia da netto-nulla fin l'onn 2050. L'economia saja ina part da la schliaziun, ha ditg la mainagestiun d'Economiesuisse, Monika Rühl durant la conferenza annuala virtuala.

L'uniun tetgala da l'economia concretiseschia en ses program la veglia da reducir las emissiuns da CO2, ha fatg a savair l'uniun a sia conferenza da medias annuala. Cun innovaziuns e tecnologias effizientas possia quella contribuir marcantamain a la reducziun d'emissiun da gas da serra. Ils nov champs d'acziun cumpiglian tranter auter in augment d'effizienza, iniziativas, da bandunar ils carburants fossils e collavuraziun internaziunala.

Il pievel svizzer decida probabel il zercladur davart la nova lescha da CO2. Cunter quella aveva in comité d'economia fatg il referendum.

RTR novitads 11:00

Artitgels legids il pli savens

Scrollar a sanestra Scrollar a dretga