Siglir tar il cuntegn

Header

cuntegn

Economiesuisse «Tgi che va sin via cu i ha dapli traffic, duai pajar dapli»

Tgi che va sin via cu i ha grond traffic, duai pajar dapli, pretenda l'expert da mobilitad d'economiesuisse Kurt Lanz en ina intervista cun las gasettas da Tamedia.

La federaziun tetgala per l'economia Economiesuisse s'exprima cunter la vignetta d'autos e cunter l'abunament general. Quel saja ina tariffa pauschala e dal principi ennà dal tuttafatg fallà. Tgi che dovra durant temp da truscha sin vias che vegnan duvradas pli frequent duai pajar dapli.

Sco cuntramesira stoppian ins stritgar taxas ed offertas da flatrate, sco per exempel l'abunament general. La mobilitad duai en il futur custar dapli, ils custs stoppian dentant vegnir repartids sin quels che chaschunan els. Economiesuisse s'engascha uschia per il «mobility princing». Quel vul influenzar la mobilitad da la populaziun sin via e rodaglias entras taglias e taxas. Uschia duai il traffic vegnir repartì meglier sin l'entir di.

RTR novitads 12:00

Artitgels legids il pli savens