L'onn da corona 2020 ha er chaschunà damain consum d'electricitad. Cumpareglià cun il 2019 è il consum d'electricitad sa reducì en Svizra per 2,6%, quai èn 55,7 milliardas uras kilowatt (kWh). Spezialmain bass era il consum la primavaira, durant l'emprima unda da corona. Quai mussan las cifras da l'Uffizi federal d'energia.
Sper las mesiras da corona datti dentant anc autras raschuns per la reducziun. Pervi da las temperaturas pli autas han ins stuì stgaudar pli paucs dis, vitiers hajan er ils augments d'effizienza effect sin la sminuziun dal consum.
Ord l'archiv
Cun la strategia d'energia dal Cussegl federal van amunt ils pretschs per ieli da stgaudar e da la forza electrica. La mira finala da quai è da sbassar las emissiuns da CO2.
