Il schaner saja, cuntrari al december, in mais ruassaivel. Quest onn saja quai però auter, sco il schef da Coople ha declerà. Uschia è il dumber da dumondas trais giadas uschè aut e las intermediaziuns effectivas da persunal dubel uschè autas sco ils ultims onns. Responsabel per questa situaziun extraordinaria saja che las interpresas hajan da cumbatter cun persunal che crodia ora pervia da corona. La dumonda suenter persunal è dapertut fitg gronda.
Il pli bler persunal vegnia però tschertgà tar il sectur da sanadad, il commerzi en detagl, la gastronomia e hotellaria, sco er tar la logistica. Interpresas sajan vegnidas pli flexiblas e porschian pli e pli scolaziuns internas per persunal che vegnia d'in auter sectur. Grev saja per ils intermediaturs sch'i vegnia tschertgà qualificaziuns spezialisadas, en la medischina, l'IT però er locomotivists e manischunzs da trams.
