En Svizra èn sa furmads ils ultims 170 onns numerus novs lais da glatschers. La raschun per quest svilup sajan ils glatschers che lieuan pervia da la midada dal clima. Quai scriva l'Institut per la perscrutaziun da l'aua en ina communicaziun.
En las Alps svizras devi uschia il 2016 prest 1'200 lais da glatscher dapli ch'anc il 1850. Tenor il studi correspunda quai ad ina surfatscha totala dals lais da var 622 hectaras – var 870 plazzas da ballape. Uschia hai dà mintg'onn da quai da 18 novs lais. Intgins dals lais hajan ins dentant svidà u ch'els èn ruts or.
L'analisa sa basa sin chartas topograficas, geodatas e maletgs ord l'aria da studis da pli baud. Questas datas duain uss esser la basa per chapir l'influenza da la midada dal clima sin ils glatschers svizzers. Fatga l’analisa ha l'institut da perscrutaziun Eawag e l'Universitad da Turitg ensemen cun l'Uffizi federal da l'ambient.
Ord l'archiv
L'emissiun «Minisguard» ha visità l'enviern passà il glatschers da Morteratsch.
