Siglir tar il cuntegn
cuntegn

Svizra EFK vegn a far investigaziuns cunter l'AutoDaPosta SA

La controlla da finanzas federala (EFK) vegn a far investigaziuns cunter l'AutoDaPosta SA. La EFK spera dad uschia pudair sclerir las dumondas avertas.

Logo AutoDaPosta.
Legenda: La EFK vul purtar scleriment. Keystone

Cler èsi che l'AutoDaPosta SA ha cugliunà en sia contabilitad per incassar pli autas subvenziuns da la confederaziun e dals chantuns e ch'ella sto pajar in chasti. Avert è però anc tgi tgi ha inizià quai e pertge. La controlla da finanzas federala (EFK) spera da pudair respunder quellas dumondas cun in'investigaziun.

«Nus cumenzain tar la gruppa dad AutoDaPosta..»

Er l'engaschament da l'interpresa da bus en l'exteriur vegn examinada. I dettia il suspect che la concurrenza en Frantscha saja vegnida sfalsifitgada cun daners da subvenziun. Plinavant vul la controlla da finanzas prender sut la marella las premissas da gudogn il sistem da bonus.

Tar l'investigaziun pudess er la direcziun dal concern da La Posta vegnir controllada. «Nus cumenzain tar la gruppa dad AutoDaPosta e forsa giainsa lura er pli ensi», ha il directur da la EFK Michel Huissoud ditg.

RR novitads 18:00