I dettia indizis che questa surpigliada pudess rinforzar ina posiziun da monopol en la sparta d’inserats da plazzas e rubricas. Quai communitgescha la CumCo. Vitiers dettia indizis ch'i dettia tar ils inserats da vehichels ina posiziun da monopol collectiva da Tamedia/Ricardo e Ringier.
Ord quests motivs examinescha la cumissiun da concurrenza CumCo pli profundamain la surpigliada planisada. L'examinaziun ha da succeder entaifer 4 mais.
Il favrer aveva la chasa editura Tamedia surpiglià il martgà en l'internet Ricardo per 240 milliuns francs.
RR Novitads 08:00