Fatschentas che dattan lavur a passa 100 persunas, ston analisar sch’ellas pajan ad umens e dunnas tuttina bler. Quei pretenda la lescha d’egualitad. Uss datti empremas datas, sco la «NZZ am Sonntag» scriva.
95% da las fatschentas
L’universitad Sogn Gagl ed il cussegliader da paja Comp-on han analisà la paja da passa 100'000 persunas. Tenor quellas han la gronda maioritad da las fatschentas, numnadamain 95%, in sistem da paja che corrispundia a las prescripziuns. Munta: Dunnas cun la medema funcziun e qualificaziun survegnan sin il pli 5% pli pauc paja.
Egliada critica
Ils sindicats ed il biro per egualitad da la Confederaziun dattan dentant in’egliada critica sin quellas datas. Per l’ina sa basian las datas mo sin fatschentas cun varga 100 collavuraturas e collavuraturs. Per l’autra possian fatschentas manipular las datas uschia che quellas fetschian ina meglra paretta u che las fatschentas fetschian gnanc part a la retschertga.
Ord l'archiv
Las dunnas èn la maioritad en Svizra. Tuttina han ellas damain uffizis politics, ellas èn damain preschentas en las medias ed han damain paja ch’ils umens. Quai malgrà che la lescha d’egualitad exista dapi prest 20 onns.
