Siglir tar il cuntegn

Header

purtret d'ina mamma che ha in uffant sin bratsch.
Legenda: Keystone
cuntegn

Egualitad Dunnas sa sentan anc adina ferm dischavantagiadas

En la Svizra tudestga sa sentan las dunnas anc adina ferm dischavantagiadas en connex cun dumondas d’egualitad en tscherts secturs. Quai resulta d’ina retschertga che l’institut demoscopic Sotomo ha fatg la fin da schaner.

Tenor questa retschertga valitescha be mintg'autra dunna las cundiziuns da lavur tar l’agen patrun da lavur sco attractiv per famiglias. Las schanzas da far carriera valiteschian duas da tschintg dunnas sco egualas per omaduas schlattainas.

Umens han anc adina dapli avantatgs

72% da las dumandadas sajan da l'avis, ch'umens hajan en general anc adina dapli avantatgs. Quai è en l'entira Europa ina da als grondas cifras. Las rollas classicas dad um e dunna sa mussan tenor il studi er anc adina a chasa. Uschia stettia ina gronda part da las lavurs da perchasa a pender tar las dunnas, e quai independent dal job.

Mammas pli pauc cuntentas

Malgrà l'inegualitad è la gronda part cuntenta cun lur vita. Plitost pli pauc cuntentas èn mammas en perchasas da famiglia. Ellas hajan sur tut memia pauc temp per sasezzas.

La retschertga

Avrir la boxSerrar la box

Per la retschertga ha Sotomo dumandà passa 6'000 dunnas sur 16 onns per l’incumbensa da l’illustrada «Annabelle». La retschertga è vegnida fatga tranter ils 21 ed ils 31 da schaner 2021.

audio
Per tadlar: las novitads da las 12:00
04:44 min, RTR Audio dals 01.03.2021.
laschar ir. Durada: 04:44 minutas.

RTR novitads 12:00

Artitgels legids il pli savens

Scrollar a sanestra Scrollar a dretga