Siglir tar il cuntegn

Header

Navigaziun

cuntegn

Egualitad Paucas, ma adina dapli dunnas en cussegls d'administraziun

Per l'emprima giada è almain ina dunna en ils cussegls d'administraziun da las pli grondas interpresas ch'èn quotadas a la bursa en Svizra. A questa conclusiun vegn il cussegliader da persunal Russell Reynolds Associates.

Dunnas èn cussegls d'administraziun da las grondas interpresas quotadas a la bursa furman ina clera minoritad. En vista a l'egualitad fa la Svizra in svilup. Pir dapi il 2019 sesa mintgamai ina dunna en il cussegl d'administraziun da las 20 interpresas ch'èn rapreschentadas en il intex da las aczias SMI. Tut en tut dumbran quellas interpresas 206 persunas en ils cussegls d'administraziun – 55 da quellas èn dunnas. Entaifer dus onns saja la quota da dunnas creschida da 21% sin 27%.

Auters pajais – pli auta quota

La quota da dunnas è en auters pajais pli gronda. En Germania munta quella per exempel a 30%. Là ed er en auters pajais èn interpresas però obligadas d'augmentar la quota da dunnas. En Svizra pretenda la lescha nagina quota.

RR novitads 11:00