Siglir tar il cuntegn
Inhalt

Svizra Elcom conferma taxa per la rait en cas spezials

Tgi che stat en ina vischnanca da concessiun da las Ovras Electricas Engiadina e retira sia energia d'in auter purschider, sto pajar ina taxa da rait. Quai ha decis la cumissiun d'energia federala ElCom.

logo da la cumissiun
Legenda: La decisiun da la Cumissiun federala per l'electricitad creescha segirtad en las reglas. Keystone

Fin ussa n'era quai betg cler, sche las Ovras Electricas Engiadina (OEE) stoppian era metter a disposiziun gratuit la rait, sche las vischnancas retiran l'energia dad insanu'auter – pia d'in terz purschider. L'instanza federala da regulaziun ElCom ha ussa decidì che las OEE dastgan en quest cas far valair la taxa per duvrar la rait. Tenor il directur da las OEE Michael Roth vai per taxas en ina summa totala da 2-3 milliuns francs ad onn. Pertutgads èn ils consuments da Zernez, Scuol e Valsot.

Las Ovras Electricas Engiadina (OEE) èn obligadas da proveder cun energia las vischnancas en il territori da concessiun. Questa electricitad vegnia furnida per part gratuit e per part a cundiziuns definidas en contracts. La rait per reparter l'electricitad sto esser a disposiziun gratuit, scrivan las Ovras Electricas Engiadina.

CEE sa mussa trumpada

La Corporaziun da las vischnancas concessiunarias, la Corporaziun Energia Engiadina CEE, cun ses president Not Carl sa mussa fitg dischillusa. Carl deplorescha en spezial ch'i vegn adina pli fitg tschertgà la via giudiziala per schliar problems avant dretgira. Quai na saja betg l'idea oriunda da partenaris. Ils concerns emblidian che lur concessiuns sajan limitadas e che las vischnancas hajan da tschertgar novs partenaris fidaivels, uschia scriva Carl.

La CEE analiseschia ussa minuziusamain la decisiun da l’ElCom.

RR novitads 17:00