Electricitad - Auter che Rösti giavischa Swissgrid cunvegna cun l'UE

La gestiunaria da la rait d'electricitad svizra Swissgrid vul ina cunvegna d'electricitad cun l'Uniun europeica. Ins constateschia che la Svizra sa distatgia dal martgà d'electricitad europeic, ha il schef da Swissgrid ditg envers la «NZZ». Quai pericliteschia la stabilitad da la rait e per las ovras electricas saja uschia grev da s'integrar en l'Europa. L'emna passada aveva il cusseglier federal Albert Rösti ditg ch'i na dovria betg per tut pretsch ina tala cunvegna. Tenor il president da Swissgrid è quella però urgentamain necessaria.