L'elecziun è stada necessaria, perquai che Keller-Sutter era vegnida elegida en il Cussegl federal. Cun Würth ha il favurit fatg la cursa. El ha fatg gia en l'emprim scrutini il meglier resultat.
Il segund sez en il Cussegl dals chantuns tegna Paul Rechsteiner da la PS.
Mandat dubel fin il 2020
Il giurist Benedikt Würth vegnì elegì il 2011 en la regenza dal chantun Son Gagl. Là ha el sco emprim manà il departament da l'economia publica. Il 2016 ha el midà en il departament da finanzas. Uss presidiescha el er la conferenza da las regenzas chantunalas.
Würth vul mantegnair ses mandat en la regenza, enfin tar las elecziuns il favrer 2020. Quai er sch'el duai cumenzar gia l'october sco Cusseglier dals chantuns. Quai ha la PPS crititgà ferm. Ina lescha chantunala dal 1940 lubescha in tal mandat dubel.
RR novitads 15:00