Sulettamain la cussegliera da la PLD è vegnida sin avunda vuschs per far il pass direct en la regenza. Ella ha survegnì 75'113 vuschs e ha uschia cun 50,8% be cnap surpassà il pli absolut. Sin plazza duas e trais suondan ses collegas da partida Isabelle Moret e Frédéric Borloz. Actualmain sesan omadus en il Cussegl naziunal. Il segund scrutini per la regenza dal Vad è ils 10 d’avrigl. La participaziun è stada cun 34,25% in toc pli bassa che tar las elecziuns chantunalas il 2017 cun 40.13%.
Partidas «verdas» gudognan
Grondas midadas en il parlament n'hai betg dà. Ils burgais han bain pudì tegnì lur maioritad en il Cussegl grond, quai cun 73 da 150 sezs – la maioritad manchentan els però. Pli ferma partida resta la PLD, quai cun 50 sezs (+ 1 sez). Entant han las partidas da pol puspè pers sezs, la PPS (-4 sezs) e la PS (-5 sezs). Auter vesa quai or tar las partidas verdas – ils verdliberals pon nudar in plus da trais sez ed ils verds in plus da 4 sezs en il Cussegl grond.
En total vegn la sanestra uss sin 64 sezs, 32 da la PS, 25 dals verds, 4 da la partida da la lavur, 2 igl Ensemble à Gauche ed in sez la Solidarté & Ecologie. Per ina maioritad en il parlament dovran pia tant ils burgais, sco er la sanestra il sustegn dals verd-liberals el chantun. Quels tegnan uss 10 sezs en il parlament chantunal.