Nov en la regenza dal chantun Berna piglia plaz Astrid Bärtschi da l'Allianza dal center. Ella defenda uschia il sez da sia collega da partida, Beatrice Simon - la suletta dal gremi da set persunas ch'aveva demissiunà. Cunquai n'ha l'attatga da la sanestra cun Erich Fehr da la PS, il president da la citad da Bienna, betg funcziunà.
Ils resultats da l'entira regenza:
- Christoph Ammann (PS)
- Philippe Müller (PLD)
- Christine Häsler (Verds)
- Pierre Alain Schnegg (PPS)
- Evi Allemann (PS)
- Astrid Bärtschi (AdC, nova)
- Christoph Neuhaus (PPS)
Candidaturas da record per il parlament
Da las elecziuns en il cussegl grond, ha la PS pers 6 sezs. Ils Verds ed ils Verdliberals han mintgamai gudagnà 5 sezs. La pli gronda partida resta la PPS cun 44 sezs, quai er sch'ella ha pers 2 sezs.
Per ils 160 sezs en il parlament dal chantun Berna han candidà 2213 persunas, tantas sco anc mai. 139 deputadas e deputads vulevan defender lur mandat per ulteriurs quatter onns – 21 sezs vegnan libers. La cumpart da dunnas è creschida marcantamain quest onn: Bunamain 40% da las persunas che han candidà èn dunnas.