Tar las elecziuns dad ier dumengia ha l'allianza cun la PS, la Glista verda libra e l'allianza verda defendì ses quatter sezs en la regenza da la citad. Vitiers è reelegì il directur da segirezza cristiandemocrat Reto Nause.
En il parlament da Berna restan ils blocs politics pli u main tuttina ferms. Plirs sezs gudogna la Partida verd-liberala, perditas ston magunar ils liberals e la partida populara.
Graffenried resta president da la citad
A Berna resta il Verd Alec von Graffenried president da la citad. El ha gudagnà l'elecziun cun prest 35'000 vuschs. Ses cuntracandidat, l'exot politic Stefan Theiler ha fatg bun 2'400 vuschs.