A Turitg sa retira la candidata liberaldemocratica per il Cussegl dals chantuns, Regine Sauter. Quai communitgescha la PLD dal chantun Turitg. Uschia perdan ils liberaldemocrats turitgais lur sez en il Cussegl dals chantuns.
Regine Sauter aveva fatg en l'emprim scrutini la dumengia cun var 120'000 vuschs plaz 3. Las pli bleras vuschs aveva Daniel Jositsch (PS) survegnì, suandà da Gregor Rutz ch'aveva fatg 34'000 dapli che Sauter.
Il sez burgais turitgais en il Cussegl dals chantuns duai uss defender il cusseglier naziunal da la PPS, Gregor Rutz. Philipp Kutter (AdC) e Daniel Leupi (Verda) desistan d'ina ulteriura candidatura, uschia è Tiana Moser (PVL) la suletta cuntracandidata en il segund scrutini ch'ha lieu ils 19 da november.