En il chantun Sviz ha Xaver Schuler pudì defender il sez da la PPS en la regenza. L'um da 42 onns ha sco sulet dals sis candidats e candidata cuntanschì il pli absolut, quai cun 17'083 vuschs. El ha cunquai fatg be trais vuschs dapli che la maioritad absoluta (17'080 vuschs).
Per il segund sez che vegn liber – che tutga fin qua a la partida liberaldemocratica – datti in segund scrutini. Vuschs han survegnì:
- Damian Meier (PLD) 16'667 vuschs
- Ursula Lindauer (PVL) cun 12'570 vuschs
- Patrick Notter (PS) cun 12'167 vuschs
- Peter Abegg (senza partida) cun 6'914 vuschs
- Jürg Rückmar (moviment«Aufrecht Schwyz») cun 2'916 vuschs
En il chantun Sviz datti elecziuns substitutivas perquai ch'il directur da l'economia publica ed il directur da finanzas sa retiran. Il segund scrutini è ils 27 da november.